2024 жылдың 11 желтоқсан күні «Мақат аудандық маслихатының құрылғанына-30 жыл» толуына орай Мақат ауданында өткізілген мәдени шараға музейден жылжымалы көрме апарылды.

Көрменің мақсаты: аудан тарихын, соның ішінде «Тас кешу керуен сарайы» ескерткішінен табылған археологиялық жәдігерлер, жерлесіміз И.Арыстановтың қолөнер бұйымдары, және мұнайлы өлкеден шыққан ақын-жазушыларды шығармалары арқылы халыққа  насихаттау;

«Қара алтыны»-мұнаймен аты әлемге жайылып, ауызға іліккен Мақат өңірі-тума таланттарға бай өлке. Көрмеге әдебиеттің ірі өкілі, «Бекболат», «Алтыбасар», «Ләйлә»  шығармаларының авторы, жазушы, қоғам қайраткері, мұнай өндірісін ұйымдастырушы Сабыр Шарипов, Мақат мұнай кәсіпшілігінде жұмыс істеген Ғабдол Сланов, Қазақстан Халық жазушысы, Мемлекеттік сыйлықтың иегері Хамит Ерғалиев, академик жазушы, профессор З.Қабдолов, журналист  Т.Текеев, Қ.Елеместегі, Қ.Мыңтұрғанов, А.Елеусінов, киноактер, классик жазушы С.Санбаев, Қазақстан Жазушылар Одағының мүшесі А. Жылқышиевтің  шығармалары қойылды.

Көрмені ауданға келген қонақтар Ақтөбе облысы Қобда, Мартук, Ойыл аудандарының мәслихат төрағалары, Атырау облыстық мәслихат төрағасы М.Хайруллиев, аудан активтері, ардагерлер мен жергілікті тұрғындар қызыға тамашалады.