2024 жылдың 3-7 маусым күндері аралығында Мақат тарихи-өлкетану музей қорларын бір жүйеге орталықтандыру мақсатында қазіргі заманауи «АС-Музей» автоматтандырылған бағдарламасын ендіру үшін музей мамандары Б.Мукашева мен Ж.Сағатова «АС-Музей» бағдарламасы бойынша музей құндылықтарын «Музей автоматтандырылған жүйесінде есепке алу» тақырыбы бойынша оқу курсынан өтті. Оқыту курсын Астана қаласынан АО «НАТ Казахстан» Корпоративтік жүйелер жөніндегі бөлім консультанты Р.М.Бекжан жүргізіп, соңында музей мамандарына сертификат табыстады. «АС-Музей» бағдарламасы бұл автоматтандырылған кешенді ақпараттық жүйе.
Бұл «ақпараттық жүйе» музей құндылықтарын есепке алады, ғылыми түгендеу және каталогтауды жүргізеді, экспонаттарды есепке алып, шығаруды және музей құндылықтарын қалпына келтіру жұмыстарын жүзеге асырады. Мұнан өзге де бірнеше қызметі бар.
Қазіргі таңда музей қорында 4600 ден астам жәдігер жинақталған. Біздің мақсатымыз - музей қорларын цифрландыруға байланысты «АС-Музей» (автоматтандырылған кешенді ақпараттық жүйе) бағдарламасына осы жәдігерлердің барлығын енгізу. Алдағы уақытта музей қорларын тиімді бақылау, экспонаттың қорда немесе экспозицияда орналасқандығын білу – уақытты үнемдеуге де септігін тигізеді.
