Аудандық тарихи-өлкетану музейінде 2025 жылдың 6 мамыр күні Жеңістің 80 жылдығы аясында «Ұлы Жеңіс - ұрпаққа мұра» атты аудан соғыс ардагерлерін еске алу кеші өтті.
Шараның мақсаты–екінші дүниежүзілік соғыс ардагерлерінің ерлігін жас ұрпаққа дәріптеу, бейбіт өмір сыйлаған аудан майдангерлері есімдерін ұлт жадында сақтап, құрмет көрсету. Шараға аудандағы соғыс ардагерлерінің ұрпақтары Ұлы Отан соғысына қатысушы, майданда қаза тапқан жауынгер Ораш Сарғұнановтың інісі Сәлімғали Оразұлы, «II дәрежелі Даңқ» ордені, «Германияны жеңгені үшін» медалі иегері Рамазан Төлешкалиевтың ұлы Есенжан Рамазанұлы,«Ерлігі үшін», «Германияны жеңгені үшін» және «Будапешт қаласын алғаны үшін» медальдар иегері Хакім Исаковтың бауыры Серік Зияшұлы, «III-дәрежелі Даңқ ордені», «1941-1945 жж Ұлы Отан соғысындағы ерен еңбегі үшін», «Германияны жеңгені үшін» медальдар иегері Төрехан Айтбаевтың немересі Әлібек Самбетұлы, 2 мәрте «Қызыл Жұлдыз», «II дәрежелі Отан соғысы», «Ерлігі үшін», «Берлинді алғаны үшін», «Праганы азат еткен үшін», «Германияны жеңгені үшін» медальдар иегері Павел Червячевтың қызы Валентина Павловна, Майданда «Кавказды қорғағаны үшін», «Кеңестік Заполярьяны қорғағаны үшін», «Германияны жеңгені үшін» және бірнеше жауынгерлік медальдар иегері Мыңжасар Башиковтың келіні Ақкенже Зиноллақызы, «I дәрежелі Отан соғысы» ордені», «Жапонияны жеңгені үшін» «Кеңес Одағының Маршалы Г.Жуковтың» және бірнеше мерекелік медальдар иегері Мұхамбетжан Төрехановтың қызы Марта Мұхамбетжанқызы, ІІІ дәрежелі «Даңқ», ІІ дәрежелі Отан соғысы ордені иегері Кенжеш Жанғалиевтің ұлы Саясат Кенжешұлы арнайы шақырылды. Шара ерліктің үлгісі болған майдангерлерді 1 минут үнсіздікпен еске алумен басталды.
ІШара барысында аудан майдангерлерінің өнегелі ғұмырын баяндайтын бейнеролик көрсетілді.
Сондай-ақ, майдан мен тыл ардагерлеріне арналған «Ұлы жеңіс – ұрпаққа мұра» атты экспозициялық көрменің лентасы қиылып, кеш қонақтарына таныстырылды.
Іс-шараға Доссор кенті аппаратының бас маманы Мираш Әбуқызы және аудандағы О.Сарғұнанов атындағы орта мектеп ұстаздары мен оқушылары қатысты.
Шараны музей басшысы қорытындылап, соғыс ардагерлері ұрпақтарына естелік сыйлықтар табыс етті.