16 наурыз - Мәдениет және ұлттық салт-дәстүр күніне орай, аудандық тарихи-өлкетану музейінде «Қош келдің Әз Наурыз» атты мерекелік шара ұйымдастырылды. Бұл күн ұлттық құндылықтарымызды ұлықтайтын, салт-дәстүрімізді дәріптейтін, қазақы болмысымызды айшықтайтын ерекше күн. Шара барысында ел жадында сақталған «Ат қою», «Бесікке салу» және «Тұсаукесер» сынды ғұрыптар көрермен назарына ұсынылып, насихатталды. Сондай-ақ Доссор кентіндегі Р.Ғабдиев атындағы балалар өнер мектебінің шәкірттері ән шырқап, би биледі. Мерекелік шараға ауданымыздың әр саласында елеулі еңбек еткен ардагерлер қатысты. Шара соңында сөз алған ардагерлер ұлттық құндылықтарды дәріптеудің маңыздылығын ашып, шара ұйымдастырушыларға алғыстарын білдірді.