18 мамыр – Халықаралық музейлер күні қарсаңында 16 мамыр күні музейде «Ел іші – өнер кеніші» атты аудан қолөнершілерінің шеберлік сағаты өтті. Шеберлік сағатқа аудан қолөнершілері ағаш шебері Ындыбаев Алпысбай Төлеуұлы, тоқыма шебері Бисаханова Гүлмира Тілесқызы, 2024 жылы V дүниежүзілік көшпенділер ойынында Аламан құрақ жобасына қатысып «Гиннес» кітабына енген құрақ көрпе шебері Утегенова Маржангүл Орынбасарқызы, тоқыма шебері Тілегенова Шынар Қадірбайқызы, әшекей бұйымдар шебері Мария Мұханқызы қатысып, өз қөлөнер бұйымдарынан шеберлік сағат көрсетті. Шеберлік сағатты аудан мектеп оқушылары мен аудан тұрғындары тамашалады.
Шара соңында Қазақстан Республикасы Білім беру ісінің үздігі белгісі иегері Мақат ауданының Құрметті азаматы, Құрмет орденінің иегері Үмбетова Роза Сабырғалиқызы, Қазақстан Республикасы Білім беру ісінің үздігі белгісі иегері Қадырғалиева Алмара Айтқалиқызы және музей басшысы Құралай Әлжанқызы ұлттық қолөнердің маңыздылығына тоқталып, қолөнершілерді алғыс хатпен марапаттап, естелік сыйлықтар табыстады.
